پاکستان کے زیرِ انتظام کشمیر کے وزیرِ اعظم سردار عتیق احمد خان کا کہنا ہے کہ مسئلہ کشمیر ہر گز پس منظر میں نہیں گیا ہے۔
سردار عتیق احمد خان کا اصرار ہے کہ بھارت کے زیرِ انتظام کشمیر میں ہونے والے حالیہ مظاہروں نے دنیا کی توّجہ نئے سرے سے کشمیر کی جانب مبذول کرادی ہے۔ سردار عتیق کا یہ بھی کہنا ہے کہ اگر مسئلہِ کشمیر حل نہ ہوا تو جنوبی ایشیا جوہری جنگ کی لپیٹ میں بھی آسکتا ہے۔ یہ باتیں انہوں نے نیو یارک میں موجود ہمارے نمائندے رفعت سعید سے ایک خصوصی انٹرویو میں کہیں ۔
