وزیر خارجہ شاہ محمود قریشی نے اس عزم کا اعادہ کیا ہے کہ پاکستان کشمیریوں کے حق خود ارادیت کے حصول تک ہر بین الاقوامی فورم پر ان کے حق میں آواز بلند کرتا رہے گا ۔
آزاد جموں و کشمیر کے سابق وزیراعظم اور آزاد کشمیر میں پاکستان تحریک انصاف کے صدر سلطان محمود چوہدری جنہوں نے ان سے آج اسلام آباد میں ملاقات کی کے ساتھ گفتگو کرتے ہوئے انہوں نے واضح کیا کہ مسئلہ کشمیر پاکستان کی خارجہ پالیسی کا ایک اہم ستون ہے۔
اس موقع پر بیرسٹر سلطان محمود چوہدری نے شاہ محمود قریشی کو آزاد جموں و کشمیر میں ہونے والے انتخابات کیلئے کی جانے والی کوششوں اور تحریک انصاف کے امور سے متعلق صورتحال سے آگاہ کیا۔
