پاکستان کشمیریوں کے جائز حق ،حق خود ارادیت کے حصول تک ان کی حمایت جاری رکھے گا ۔وزیر خارجہ شاہ محمود قریشی

اسلام آباد۔6نومبر (اے پی پی):وزیر خارجہ شاہ محمود قریشی نے کہا ہے کہ پاکستان کشمیریوں کے جائز حق ،حق خود ارادیت کے حصول تک ان کی حمایت جاری رکھے گا۔عالمی برادری مقبوضہ کشمیر میں انسانی حقوق کی سنگین خلاف ورزیوں کا نوٹس لیں۔جمعہ کو جموں قتل عام کے دن(6 نومبر 2020) کے موقع پر اپنے ایک پیغام میں وزیر خارجہ نے کہا ہے کہ 6 نومبر جموں و کشمیر کی تاریخ کا سیاہ ترین دن ہے۔ اس دن ،سال پہلے ، راشٹریہ سویم سیوک سنگھ (آر ایس ایس) کی حامی ڈوگرہ فوج اور بھارتی قابض افواج نے جنگ عظیم کے بعد کے پہلی بڑی نسل کشی میں اس خطے کی مسلم آبادی کو اقلیت میں تبدیل کرنے کی غرض سے منظم طریقے سے 237،000 سے زیادہ مسلمانوں کو شہید کیا تھا۔5 اگست 2019 کو بھارت کے غیر قانونی اور یکطرفہ اقدامات بھی جموں کے قتل عام کا افسوس ناک تسلسل ہے، کیونکہ ان کا مقصد بھی مقبوضہ جموں و کشمیر کی اکثریت کو اقلیت میں تبدیل کرنا ہے جو اقوام متحدہ کی سلامتی کونسل کے قراردادوں اور چوتھے جنیوا کنونشن کی صریح خلاف ورزی ہے۔وزیر خارجہ نے کہا کہ پچھلے 7 دہائیوں کے دوران ، بھارتی قابض افواج نے ظلم و بربریت کے تمام حربوں کو آزمایا ہے اور کشمیری عوام کے تمام حقوق کو پامال کیا ہے۔ آج مقبوضہ کشمیر کو دنیا میں سب سے زیادہ انسانی بحران کا سامنا ہے۔تاہم ، تاریخ اس حقیقت کی گواہ ہے کہ بھارت مسلسل مظالم کے باوجود بھی کشمیری عوام کے عزائم کو توڑنے میں ناکام رہا ہے۔تاہم بھارتی قابض افواج کی جانب سے سنگین جرائم کشمیری عوام کے جذبے ماند نہ کرسکے،اس کے برعکس ان کے غیر متزلزل عزم کو مزید تقویت ملی ہے۔وزیر خارجہ نے کہا کہ اس دن ، جب کہ ہم جموں میں نسل کشی کے زریعے کشمیری شہدا کو یاد کرتے ہیں ، ہم عالمی برادری سے مطالبہ کرتے ہیں کہ وہ اس طرح کے قابل نفرت مظالم کو کبھی بھی وقوع پزیر نہ ہونے کا عہد کریں۔وزیر خارجہ نے کہا عالمی برادری کو مقبوضہ کشمیر میں انسانی حقوق اور انسانی صورتحال کی سنگین صورتحال پر قابو پانے کے لئے ہنگامی اقدامات اٹھانا چاہیے۔پاکستان اس وقت تک کشمیریوں کی حمایت جاری رکھے گا جب تک اقوام متحدہ کی سلامتی کونسل کے متعلقہ قراردادوں کے مطابق ان کے جائز حق،حق خودارادیت نہیں ملتا۔