سپورٹ کشمیر انٹرنیشنل نیوز ـ بھارت کے غیر قانونی زیر قبضہ جموں و کشمیر میں پیپلز ڈیموکریٹک پارٹی کی صدر محبوبہ مفتی نے کشمیری مٹن تاجروں کو ہراساں کیے جانے کا معاملہ بھارتی ریاست پنجاب کے وزیر اعلی بھگونت مان کے ساتھ اٹھایا ہے۔کشمیری مٹن تاجروں کو پنجاب میں مویشیوں کی نقل و حمل اور کاروبار کے دوران بڑے پیمانے پر ڈرایا ڈھمکایا جا رہا ہے۔ ذرائع کے مطابق محبوبہ مفتی نے ”ایکس “پر ایک پوسٹ میں کہا کہ انہوں نے بھگونت مان کے ساتھ کشمیر کے مٹن ڈیلروں کو مادھو پور، پنجاب اور شمبھو بارڈر پر درپیش رکاوٹوں کے بارے میں بات کی۔ انہوں نے کہا کہ ٹھیکیدار انہیں “کیٹل فیئر ایکٹ کے نام پر” روک رہے ہیں اور بلا وجہ ہراساں کر رہے ہیں۔ محبوبہ مفتی نے کہا کہ انہیں امید ہے کہ یہ مسئلہ جلد از جلد حل ہو جائے گا۔
یاد رہے کہ بھارتی ریاستوںمیں زیر تعلیم کشمیری طلباءکے علاوہ کشمیری تاجر وں کو ہندو توا غنڈوں کے ہاتھو ں ہراسانی ، تشدد ، مارپیٹ کا مسلسل سامنا ہے۔
