سپورٹ کشمیر انٹرنیشنل فورم ـ جموں و کشمیر نیشنل کانفرنس کے صدر فاروق عبداللہ نے بھارتی حکومت پر زور دیا کہ وہ مغربی ایشیا میں جاری تنازعہ کو روکنے کے لئے بین الاقوامی برادری کو اکٹھا کرنے میں ایک فعال کردار ادا کرے اور انتباہ دیا کہ اس معاملے میں دوری دنیا کو اقتصادی کھائی کے میں دھکیل سکتی ہے۔ نیشنل کانفرنس کے صدر نے کہا کہ اگر موجودہ تنازعے پر توجہ نہ دی گئی تو اس کے اثرات صرف مغربی ایشیا میں ہی نہیں بلکہ پوری دنیا میں محسوس کئے جائیں گے۔ انہوں نے کہا کہ غریب ترین طبقہ سب سے زیادہ بوجھ اٹھائے گا، اور ہم دنیا کو معاشی عدم استحکام کی گہری کھائی میں دھکیلنے کا خطرہ مول لے سکتے ہیں۔ فاروق عبداللہ نے اس بات پر زور دیا کہ آج کی باہم جڑی ہوئی دنیا میں تنازعات کو دور دراز کے بحرانوں کے طور پر نہیں سمجھا جا سکتا۔
انہوں نے کہا کہ ہم ایک ایسے دور میں رہتے ہیں جہاں ایک خطہ کا ہنگامہ جلد ہی سب کے لیے چیلنج بن جاتا ہے۔ انہوں نے کہا کہ اب وقت آگیا ہے کہ سفارتی ذرائع کو فعال طور پر استعمال کیا جائے، اور دنیا تنازعے کو مزید بڑھنے سے روکنے کے لیے اکٹھی ہو۔ جموں کشمیر کے سابق وزیر اعلیٰ فاروق عبداللہ نے مزید کہا کہ امن صرف ایک اخلاقی ضرورت نہیں ہے، یہ ایک معاشی ضرورت ہے۔ آدھی دنیا کے تنازعات کو نظر انداز کرنا آگ کے پاس بیٹھ کر دھوئیں کو نظر انداز کرنے کے مترادف ہے۔ فاروق عبداللہ نے مرکزی حکومت پر زور دیا کہ وہ ایک متوازن اور عملی نقطہ نظر اپنائے جو عالمی استحکام کی حفاظت کرے۔
